18–19 мая 2019 г. у аздараўленчым лагеры «Крынічка» РУП «Белтэлекам» адбыліся спаборніцтвы III этапу ХХI Рэспубліканскай галіновай спартакіяды спецыялістаў сувязі 2019 г. Каманды спаборнічалі ў гіравым спорце, гульні на більярдзе, настольным тэнісе, гульні ў дартс, кулявой стральбе, лёгкаатлетычным кросе, гульні ў валейбол і міні-футбол. Таксама прадстаўнікі каманды прынялі ўдзел у праходжанні этапаў турыстычнай праграмы.

У асабістым першынстве лепшыя вынікі паказалі:

• Паўлавец Аксана – 1-е месца ў настольным тэнісе сярод жанчын;
• Шыкін Юры – 3-е месца ў настольным тэнісе сярод мужчын;
• Бойка Карына – 3-е месца па гульні ў дартс сярод жанчын;
• Лабковіч Андрэй – 2-е месца па гульні ў дартс сярод мужчын.

У камандных відах спорту лепшыя вынікі:

• настольны тэніс – 1-е месца;
• дартс – 2-е месца;
• міні-футбол – 2-е месца.

Па выніках круглагоднай спартакіяды 2019 г. зборная каманда ААТ «Гіпрасувязь» заняла агульнакаманднае чацвёртае месца.