Прэзентацыя праекта «Субрэгіянальны агляд інавацыйнай палітыкі» для краін Усходняй Еўропы і Закаўказзя

21.06.2019 #мерапрыемствы #тэхналогіі

20 чэрвеня адбылася прэзентацыя праекта Еўрапейскай эканамічнай камісіі ААН (ЕЭК ААН) «Субрэгіянальны агляд інавацыйнай палітыкі» для краін Усходняй Еўропы і Закаўказзя. Ад ААТ «Гіпрасувязь» у мерапрыемстве прынялі ўдзел Уладзімір Міхайлавіч Івашка, намеснік дырэктара па навуцы і развіццю, і Яўген Салаўёў, в. а. начальніка – інжынер 1-й катэгорыі НИОИ.

Мэта праекта ў тым, каб ацаніць маштаб і якасць інавацыйнай палітыкі, інстытутаў і працэсаў у шасці краінах Усходняй Еўропы і Закаўказзя (Арменія, Азербайджан, Беларусь, Грузія, Малдова і Украіна). У прыватнасці, праект накіраваны на выяўленне моцных і слабых бакоў інавацыйнага развіцця, удасканаленне інавацыйнай палітыкі, інстытутаў і працэсаў, а таксама павышэнне канкурэнтаздольнасці эканомік мэтавых краін у цэлым.

Вывучэнне названых аспектаў інавацыйнага развіцця плануецца ажыццявіць з выкарыстаннем спецыяльна распрацаванага для гэтай мэты інструмента – Субрэгіянальнага агляду інавацыйнай палітыкі, які складаецца з прыкладна 50 паказчыкаў, структураваных у рамках трох кампанентаў: кіравання інавацыямі, інструментаў інавацыйнай палітыкі і працэсу інавацыйнай палітыкі.

Збор дадзеных для ацэнкі кампанентаў агляду будзе ажыццяўляцца праз анкетаванне, якое прадугледжвае пытанні па кожнаму паказчыку. Анкеты будуць запаўняцца ў рамках «самаацэнкі» рэспубліканскімі органамі дзяржаўнага кіравання і іншымі арганізацыямі ў кожнай краіне. Паралельна з «самаацэнкай» экспертамі ЕЭК ААН праводзіцца незалежная ацэнка. Вынікі анкетавання і супастаўленне двух ацэнак стануць асновай субрэгіянальнага агляду інавацыйнай палітыкі. Выніковую справаздачу плануецца выдаць летам 2020 г.

Віртуальнае мерапрыемства «На шляху ў Адыс-Абебу»: напярэдадні СКРЭ-2021

Серыя мерапрыемстваў «На шляху ў Адыс-Абебу» арганізуецца для папярэдняга агляду і актывізацыі дзейнасці па падрыхтоўцы Сусветнай канферэнцыі па развіцці электрасувязі (СКРЭ) Міжнароднага саюза электрасувязі (МСЭ) з мэтай павысіць дасведчанасць, умацаваць партнёрскія адносіны і прыцягнуць ўсе зацікаўленыя бакі да фарміравання парадку дня СКРЭ.

Нагляд па распрацаваных праектных рашэннях

Спецыялісты аддзела сетак, сістэм і збудаванняў сувязі і службы ГІПаў ажыццяўляюць аўтарскі нагляд па распрацаваных ААТ «Гіпрасувязь» праектных рашэннях.

Відэаканферэнцыя па пытаннях рэалізацыі Рэгіянальнай ініцыятывы 5

28 кастрычніка 2020 г. адбылася відэаканферэнцыя па пытаннях рэалізацыі Рэгіянальнай ініцыятывы 5 «Садзейнічанне інавацыям і партнёрству ў сферы ўкаранення тэхналогій «інтэрнэту рэчаў» і іх узаемадзеянне ў сетках электрасувязі, уключаючы сеткі 4G, IMT-2020 і сеткі наступных пакаленняў, у інтарэсах ўстойлівага развіцця для рэгіёну СНД».

Па Беларусі разам!

У апошні дзень кастрычніка першасная прафсаюзная арганізацыя ААТ «Гіпрасувязь» арганізавала для працаўнікоў Таварыства двухдзённую турыстычную экскурсію пад назвай «Па Беларусі разам!»

На шляху да разумнага горада

20 кастрычніка 2020 года ў Полацку адбылася сустрэча прадстаўнікоў адміністрацыі выканаўчага камітэта і адкрытага акцыянернага таварыства «Гіпрасувязь» па пытаннях адаптацыі Тыпавой канцэпцыі развіцця разумных гарадоў у Рэспубліцы Беларусь да Полацкага раёну.