Рэгіянальны семінар МСЭ для краін СНД «Інтэрнэт рэчаў і будучыя сеткі сувязі»
22.06.2017 #мерапрыемствы #МСЭ
19–20 чэрвеня 2017 г. у Санкт-Пецярбургу (Расійская Федэрацыя) прайшоў Рэгіянальны семінар Міжнароднага саюза электрасувязі (МСЭ) для краін СНД «Інтэрнэт рэчаў і будучыя сеткі сувязі». У семінары прынялі ўдзел больш за 70 прадстаўнікоў розных кампаній, тэлекамунікацыйных аператараў, вышэйшых і агульнаадукацыйных навучальных устаноў, вытворцаў тэлекамунікацыйнага абсталявання, распрацоўшчыкаў праграмнага забеспячэння і іншых арганізацый дзяржаў-членаў, членаў сектараў і асацыіраваных членаў МСЭ.
Мэта мерапрыемства – абмен вопытам у галіне развіцця «інтэрнэту рэчаў» і яго прыкладанняў. У прыватнасці, у рамках семінара былі разгледжаны наступныя пытанні:
- міжнародная стандартызацыя «інтэрнэту рэчаў»;
- перспектывы ўкаранення тэхналогій «інтэрнэту рэчаў» на сетках сувязі краін СНД;
- перспектыўныя напрамкі развіцця сетак сувязі ў рэгіёне;
- міжнародная стандартызацыя тэхналогій будучых сетак сувязі і іх прыкладанняў.
У семінары прыняў удзел намеснік дырэктара па навуцы і развіццю ААТ «Гіпрасувязь» Івашка Уладзімір Міхайлавіч з дакладам «Інтэлектуалізацыя будынкаў як адзін з кірункаў зніжэння выдаткаў на іх эксплуатацыю».
Фотаздымкі: www.sut.ru
Агляд публікацый часопіса «Веснiк сувязi» (3-2019)
Паважаныя чытачы, прапануем вашай увазе агляд публікацый чарговага выпуску часопіса «Веснiк сувязi» (3-2019).
Уводзіцца абавязковая сертыфікацыя тэлевізараў і тэлевізійных манітораў па энергаэфектыўнасці
З 1 верасня бягучага года згодна з п. 5.6.3 ТКП 5.2.27-2017 «Нацыянальная сістэма пацвярджэння адпаведнасці Рэспублікі Беларусь. Пацвярджэнне адпаведнасці электрычных энергаспажывальных прылад патрабаванням энергетычнай эфектыўнасці» скончыцца магчымасць правядзення верыфікацыі па параметрах энергаэфектыўнасці на падставе пратаколаў вытворцаў.
