38-е пасяджэнне Камісіі РСС па інфакамунікацыях

14.03.2017 #РСС

10 сакавіка 2017 г. адбылося 38-е пасяджэнне Камісіі РСС па інфакамунікацыях ў фармаце відэаканферэнцсувязі. У дзейнасці мерапрыемства прынялі ўдзел прадстаўнікі адміністрацый сувязі Рэспублікі Арменія, Рэспублікі Беларусь, Расійскай Федэрацыі, Рэспублікі Таджыкістан і Рэспублікі Узбекістан.

У ходзе пасяджэння вялікая ўвага была ўдзелена наступным пытанням:

  1. Наконт падрыхтоўкі АС РСС да міжнародных форумаў МСЭ: Сусветнай канферэнцыі па развіцці электрасувязі 2017 года (СКРЭ-17), Паўнамоцнай Канферэнцыі МСЭ 2018 года (ПК-18), Сусветнай асамблеі па стандартызацыі электрасувязі 2020 года (САСЭ-20).
  2. Наконт праекта Палажэння аб Рэгіянальнай групе РСС па стандартызацыі пры Камісіі РСС па інфакамунікацыях.
  3. Наконт рэалізацыі Пагаднення аб умовах ажыццяўлення межаператарскіх ўзаемаразлікаў пры аказанні паслуг міжнароднай электрасувязі ў дзяржавах – членах СНД і падрыхтоўкі праекта Плана дзеянняў па яго рэалізацыі.
  4. Пытанні нарматыўнага ўрэгулявання стрымання фрода на сетках тэлефоннай сувязі.

Удзельнікі пасяджэння падтрымалі праект Агульных прапаноў РСС да СКРЭ-17, ухвалілі прапановы АС РСС па папярэдняй тэматыцы дакладаў на ПК-18, а таксама праект Плана падрыхтоўкі адміністрацый сувязі РСС да ВАСЭ-20.

У рамках разгляду пытання аб Рэгіянальнай групе РСС па стандартызацыі пры Камісіі РСС па інфакамунікацыях удзельнікі пасяджэння ўхвалілі Палажэнне аб Рэгіянальнай групе РСС і даручылі Старшыні Рэгіянальнай групы РСС распрацаваць План работы на перыяд 2017–2020 гг.

Камісія таксама ўхваліла праект Плана дзеянняў па рэалізацыі Пагаднення аб умовах ажыццяўлення межаператарскіх узаемаразлікаў пры аказанні паслуг міжнароднай электрасувязі ў дзяржавах – членах СНД, распрацаванага ў адпаведнасці з Рашэннем Савета кіраўнікоў АС РСС і Каардынацыйнага савета па інфарматызацыі пры РСС ад 24 мая 2016 г. i пунктам 2.6 Плана мерапрыемстваў па рэалізацыі трэцяга этапу (2016–2020 гг.) Стратэгіі эканамічнага развіцця Садружнасці Незалежных Дзяржаў на перыяд да 2020 года.

Па выніках абмеркавання пытання нарматыўнага ўрэгулявання стрымання фрода на сетках тэлефоннай сувязі прынята рашэнне прасіць АС РСС разгледзець магчымыя шляхі абароны абанентаў і аператараў сувязі ад фрода і прапрацаваць прапановы па ўрэгуляванні праблемы як у нацыянальным заканадаўстве, так і на міжнародным узроўні.

Чарговае, 39-е пасяджэнне Камісіі РСС па інфакамунікацыях пройдзе сумесна з пасяджэннем Савета аператараў электрасувязі і інфакамунікацый РСС у сярэдзіне 2017 г.

 

Крыніца: Рэгіянальная садружнасць у галіне сувязі

Перапіс насельніцтва

Перапіс ажыццяўляецца адзін раз у 10 гадоў. У Рэспубліцы Беларусь перапіс насельніцтва пройдзе з 4 па 30 кастрычніка 2019 г.

Прадстаўнікі ААТ «Гіпрасувязь» бяруць удзел у працы 3-га Міжрэгіянальнага семінара-практыкума Міжнароднага саюза электрасувязі па падрыхтоўцы да Сусветнай канферэнцыі радыёсувязі 2019 года

У перыяд з 4 па 6 верасня 2019 года ў г. Жэневе (Швейцарыя) праходзіць 3-ці Міжрэгіянальны семінар-практыкум Міжнароднага саюза электрасувязі (МСЭ) па падрыхтоўцы да Сусветнай канферэнцыі радыёсувязі 2019 года (СКР-19).

Перагляд стандарту СТБ 2156-2014 «Сродкі электрасувязі мультысэрвісных сетак. Асноўныя параметры і характарыстыкі»

У новай рэдакцыі улічаны папярэднія змены 1 і 2. Замест спасылак на міжнародныя стандарты, якія прысутнічалі ў рэдакцыі 2014 года, уведзены лікавыя значэнні параметраў інтэрфейсаў фізічнага ўзроўню, канкрэтныя характарыстыкі і гранічныя маскі нарматыўных патрабаванняў. Дадаткова прыведзены спасылкі на метады выпрабаванняў сродкаў электрасувязі.

36/25-е сумеснае пасяджэнне Камісіі РСС па каардынацыі міжнароднага супрацоўніцтва і Рабочай групы па працы з МСЭ пры КМС

23 жніўня 2019 года адбылося 36/25-е сумеснае пасяджэнне Камісіі РСС па каардынацыі міжнароднага супрацоўніцтва і Рабочай групы па працы з МСЭ пры КМС у фармаце відэа-канферэнц-сувязі.

Міжнародны навуковы семінар «Квантавыя інфармацыйныя сістэмы»

8 жніўня 2019 года на базе Беларускай дзяржаўнай акадэміі сувязі (БДАС) адбыўся міжнародны навуковы семінар «Квантавыя інфармацыйныя сістэмы».