2017 год у Рэспубліцы Беларусь аб'яўлены Годам навукі

13.01.2017

Прэзідэнт Рэспублікі Беларусь Аляксандр Лукашэнка 23 снежня 2016 г. падпісаў адпаведны ўказ. Асноўныя мэты дадзенага рашэння – павышэнне ролі навукі ў выкананні задач сацыяльна-эканамічнага развіцця краіны, стварэнне спрыяльных умоў для захавання і развіцця навуковага патэнцыялу, фарміраванне міжнароднага іміджу Беларусі як краіны з высокім узроўнем інтэлектуальнага і чалавечага капіталу.

Урад разам з Нацыянальнай акадэміяй навук Беларусі, аблвыканкамамі, Мінскім гарвыканкамам распрацуе рэспубліканскі план мерапрыемстваў па правядзенні Года навукі, які адлюстроўвае ўзаемадзеянне навукі з сацыяльнай сферай, галінамі эканомікі, інавацыйную дзейнасць, міжнароднае навукова-тэхнічнае супрацоўніцтва. Рэалізацыя гэтага плана будзе спрыяць развіццю айчынных навуковых школ, вузаўскай і галіновай навукі для забеспячэння ўстойлівага эканамічнага росту краіны, прымнажэнню навуковага патэнцыялу Беларусі, падтрымцы творча думаючых маладых навукоўцаў і спецыялістаў.

Істотны ўклад у навуковае развіццё галіны сувязі ўносіць ААТ «Гіпрасувязь». Навуковы напрамак дзейнасці арганізацыі – гэта пошук вырашэнняў найбольш актуальных пытанняў у галіне электрасувязі, фарміраванне і суправаджэнне напрамкаў доўгатэрміновай навукова-тэхнічнай палітыкі, распрацоўка праграм і канцэпцый развіцця рынку сродкаў і паслуг электрасувязі, а таксама тэхнічных нарматыўных прававых актаў у сферы стандартызацыі, выпрабаванні і пацверджанні адпаведнасці сродкаў і паслуг электрасувязі, каардынацыя міжнароднага супрацоўніцтва.

Акрамя таго, ААТ «Гіпрасувязь» распрацоўвае праектныя рашэнні любой складанасці для ўсіх сучасных тэхналогій электрасувязі, а таксама актыўна развівае напрамак міжнароднага навукова-тэхнічнага супрацоўніцтва, у рамках якога праводзіцца падрыхтоўка прапаноў для выпрацоўкі пазіцыі Адміністрацыі сувязі рэспублікі на міжнародных форумах. Навукова-даследчыя, доследна-канструктарскія і іншыя навукова-тэхнічныя работы прадпрыемства, звязаныя з распрацоўкай, вытворчасцю, укараненнем і выпрабаваннем сістэм і сродкаў сувязі, з'яўляюцца падмуркам навуковага развіцця і росквіту краіны ў сферы сувязі і інфармацыйных тэхналогій.

Уводзіцца абавязковая сертыфікацыя тэлевізараў і тэлевізійных манітораў па энергаэфектыўнасці

З 1 верасня бягучага года згодна з п. 5.6.3 ТКП 5.2.27-2017 «Нацыянальная сістэма пацвярджэння адпаведнасці Рэспублікі Беларусь. Пацвярджэнне адпаведнасці электрычных энергаспажывальных прылад патрабаванням энергетычнай эфектыўнасці» скончыцца магчымасць правядзення верыфікацыі па параметрах энергаэфектыўнасці на падставе пратаколаў вытворцаў.

Агляд публікацый чарговага выпуску часопіса «Веснiк сувязi» (6-2018)

Паважаныя чытачы, прапануем вашай увазе агляд публікацый чарговага выпуску часопіса «Веснiк сувязi»

ААТ «Гіпрасувязь» на 24-й Азербайджанскай Міжнароднай выставе і канферэнцыі «Тэлекамунікацыі, інавацыі і высокія тэхналогіі» ў Рэспубліцы Азербайджан

У г. Баку 4 снежня адбылося адкрыццё XXIV Азербайджанскай Міжнароднай выставы і канферэнцыі «Тэлекамунікацыі, інавацыі і высокія тэхналогіі» Bakutel-2018. У гэтым годзе ў выставе прынялі ўдзел 200 кампаній з 20 краін свету.

Даступнасць інтэрнэт-рэсурсаў

Пастановай Мінсувязі зацверджаны пералік дзяржаўных стандартаў, узаемазвязаных з тэхнічным рэгламентам Рэспублікі Беларусь «Сродкі электрасувязі. Бяспека»