12-13 верасня адбудзецца сход Рабочай групы РСС па працы з МСЭ

12-13 верасня 2016 г. у г. Мінску адбудзецца 16-е пасяджэнне Рабочай групы РСС па працы з МСЭ пры Камісіі РСС па каардынацыі міжнароднага супрацоўніцтва.

У рамках сходу плануецца абмеркаваць наступныя пытанні:

• вынікі рэалізацыі Рашэнняў 51/22-га сумеснага пасяджэння Савета кіраўнікоў АС РСС і Каардынацыйнага савета дзяржаў – удзельніц СНД па інфарматызацыі пры РСС (24 мая, г. Душанбэ, Рэспубліка Таджыкістан);
• вынікі дзейнасці Рэгіянальнай групы РСС ў Даследчай камісіі 3 МСЭ-D «Прынцыпы тарыфікацыі і разлікаў з улікам адпаведных эканамічных і стратэгічных пытанняў электрасувязі»;
• ход падрыхтоўкі АС РСС да Сусветнай асамблеі па стандартызацыі электрасувязі 2016 года, Сусветнай канферэнцыі па развіццю электрасувязі 2017 года, Паўнамоцнай Канферэнцыі МСЭ 2018 года;
• праект Палажэння аб Рабочай групе РСС па працы з МСЭ пры Камісіі РСС па каардынацыі міжнароднага супрацоўніцтва;
• прапановы па кандыдатурах намеснікаў старшыні Групы экспертаў па Рэгламенту міжнароднай электрасувязі.

Мерапрыемства пройдзе ў галоўным офісе кампаніі «Белтэлекам». Плануецца, што ў пасяджэнні прымуць удзел прадстаўнікі МСЭ, Выканаўчага камітэта РСС, Міністэрства сувязі і інфарматызацыі Рэспублікі Беларусь, РУП «Белтэлекам», ААТ «Гіпрасувязь», ПАО «Растэлекам», а таксама эксперты буйных галіновых арганізацый Рэспублікі Беларусь, Расійскай Федэрацыі, Украіны, Славеніі і інш.