XXII Міжнародная навукова-тэхнічная канферэнцыя «Сучасныя сродкі сувязі»
24.10.2017 #мерапрыемствы #Беларусь
З 19 па 20 кастрычніка на базе Беларускай дзяржаўнай акадэміі сувязі адбылася Міжнародная навукова-тэхнічная канферэнцыя «Сучасныя сродкі сувязі». Гэта штогадовае мерапрыемства, у рамках якога навуковыя супрацоўнікі і выкладчыкі, кіраўнікі, практычныя работнікі і спецыялісты, дактаранты, аспіранты і студэнты, якія спецыялізуюцца на пытаннях інфакамунікацый і пошты, абменьваюцца вопытам і ідэямі па перспектыўных напрамках развіцця галіны.
На канферэнцыі было арганізавана 7 секцый:
- Секцыя 1. Тэорыя сувязі, сеткі і сістэмы электрасувязі.
- Секцыя 2. Радыёсувязь, радыёвяшчанне і тэлебачанне.
- Секцыя 3. Арганізацыя, тэхналогіі і лагістычныя сістэмы паштовай сувязі.
- Секцыя 4. Інфармацыйныя тэхналогіі і інфакамунікацый.
- Секцыя 5. Абарона інфармацыі і тэхналогіі інфармацыйнай бяспекі.
- Секцыя 6. Эканоміка, сістэма менеджменту якасці, арганізацыя, кіраванне і маркетынг у сувязі.
- Секцыя 7. Методыка выкладання і інавацыйныя тэхналогіі навучання спецыялістаў для галіны сувязі.
У рамках шостай секцыі інжынер ААТ «Гіпрасувязь» Зяневіч Анастасія прадставіла даклад на тэму «Digital-маркетынг як эфектыўны інструмент прасоўвання паслуг ААТ «Гіпрасувязь» на B2B рынку», у якім акцэнтавалася ўвага на перавазе выкарыстання digital-маркетынгу ў B2B сегменце і была прааналізавана работа вэб-сайта ААТ «Гіпрасувязь» у сетцы інтэрнэт.
Форум МСЭ па лічбавай трансфармацыі: умацаванне рэгіянальнага супрацоўніцтва і абмен досведам
28 жніўня пачаў работу Форум Міжнароднага саюза электрасувязі па лічбавай трансфармацыі.
