Прапановы ФПБ па абароне правоў працоўных увойдуць у новую рэдакцыю Працоўнага кодэкса

27.06.2019

28 чэрвеня 2019 г. у Палаце прадстаўнікоў быў прыняты законапраект па змяненні Працоўнага кодэкса. Федэрацыя прафсаюзаў стала адным з распрацоўшчыкаў дакумента і ўнесла больш за 40 прапаноў па змяненні 30 артыкулаў ТК.

Усе унесеныя прапановы былі сфарміраваныя на аснове тых запытаў і праблем, з якімі ў ФПБ звярталіся члены прафсаюза і працоўныя калектывы. Адзім з самых значных пытанняў, на думку старшыні Федэрацыі прафсаюзаў Беларусі, з’яўляецца замацаванне ў Працоўным кодэксе гарантый занятасці для добрасумленных работнікаў. Так, згодна з законапраектам, калі бакі вырашылі працягнуць працоўныя адносіны, то падаўжэнне кантракту ў межах пяцігадовага тэрміну яго дзеяння з добрасумленным работнікам ажыццяўляецца на максімальны тэрмін. Па заканчэнні кантракту новы кантракт з добрасумленнымі работнікамі падпісваецца на тэрмін не менш за тры гады ці заключаецца працоўны дагавор на нявызначаны тэрмін. Акрамя гэтага, захавана норма аб тым, што прафсаюз мае права ўдзельнічаць у абмеркаванні ўмоў кантракту работніка. Такая норма накіравана на тое, каб не дапусціць парушэння правоў работніка за кошт неўключэння ў кантракт гарантый, прадастаўленых работніку заканадаўствам, калектыўным дагаворам.

Прафсаюзы таксама настаялі на захаванні тэрміну апавяшчэння работнікаў аб змяненні істотных умоў працы. Першапачаткова ў законапраекце прадугледжвалася норма аб папярэджанні работніка аб змяненні істотных умоў працы за тыдзень, цяпер жа работніка неабходна папярэджваць за 30 дзён. У законапраект ўключана і прапанаваная прафсаюзамі норма аб абмежаванні матэрыяльнай адказнасці работнікаў. У цяперашні час поўная матэрыяльная адказнасць дае магчымасць наймальнікам спаганяць штрафы, накладзеныя на арганізацыю, з работнікаў, з якімі заключаныя кантракты. У выніку нярэдкія выпадкі, калі такія штрафы пакрываюцца за кошт працаўнікоў. ФПБ настаяла на тым, што неабходны адзіны падыход па пытанні прымянення матэрыяльнай адказнасці да работнікаў, якія працуюць як па кантрактах, так і па працоўных дагаворах, заключаных на нявызначаны тэрмін, за шкоду, прычыненую імі пры выкананні працоўных абавязкаў. У выніку ў адпаведнасці з законапраектам у наступным штрафы, якія накладаюцца на арганізацыю, нельга будзе спагнаць з работнікаў.

Яшчэ адно змяненне Працоўнага кодэкса, ініцыяванае ФПБ, тычыцца абароны правоў працуючых пенсіянераў. На сённяшні дзень ім, у адрозненне ад іншых катэгорый работнікаў, не выплачваецца выхадная дапамога, калі яны звальняюцца па прычыне парушэння наймальнікам працоўнага заканадаўства. ФПБ абараніла пазіцыю аб выключэнні гэтай нормы з законапраекта, каб да ўсіх работнікаў быў роўны і справядлівы падыход.

Штогадовы Форум па разумным устойлівым гарадам адбудзецца 16–18 сакавіка 2021 года ў Мінску

16–18 сакавіка 2021 года ў Мінску адбудзецца штогадовы Форум па разумным устойлівым гарадам – свайго роду пляцоўка для абмеркавання актуальных пытанняў у гэтай сферы. Мерапрыемства будзе цікава прадстаўнікам ведамстваў, рэгулятарных органаў, тэлекамунікацыйных аператараў, навучальных устаноў, навуковых і праектных інстытутаў, вытворцам абсталявання, распрацоўнікам і іншым.

Рэспубліканскі турнір па інтэлектуальных гульнях «Эрудыяваны сувязіст – 2020»

23 снежня 2020 года рэжыме online на базе Міжнароднага цэнтра камутацыі РУП »Белтэлекам» прайшоў рэспубліканскі турнір па інтэлектуальных гульнях «Эрудыяваны сувязіст – 2020».

Паважаныя чытачы, прадстаўляем вашай увазе чарговы выпуск часопіса «Веснік сувязі» (№ 6/2020)

Прадстаўляем вашай увазе чарговы выпуск часопіса «Веснік сувязі» (№ 6/2020)

Рэгіянальны форум МСЭ па пытаннях развіцця (РФР-СНД) адбыўся ў снежні

14–15 снежня 2020 года ў рэжыме анлайн адбыўся Рэгіянальны форум МСЭ па пытаннях развіцця (РФР-СНД), у якім узялі ўдзел супрацоўнікі ААТ «Гіпрасувязь».

Дзяржаўная рэгістрацыя навукова-даследчых, доследна-канструктарскіх і доследна-тэхналагічных работ: абмеркаванне, пытанні, адказы

14 снежня 2020 года Мінску ў фармаце відэаканферэнцыі адбыўся рэспубліканскі семінар, прысвечаны пытанням дзяржаўнай рэгістрацыі навукова-даследчых, доследна-канструктарскіх і доследна-тэхналагічных работ.