ААТ "Гіпрасувязь" прапануе паслугі па праектаванні сетак доступу на базе PON

12.08.2016 #паслугі

Спецыялісты аддзела сетак, сістэм і збудаванняў сувязі ААТ "Гіпрасувязь" займаюцца распрацоўкай праектаў па пашырэнні, мадэрнізацыі і будаўніцтву сетак доступу па ўсёй тэрыторыі Рэспублікі Беларусь з выкарыстаннем тэхналогіі PON (Passive Optical Network).

Пры распрацоўцы праектаў спецыялісты ААТ "Гіпрасувязь" ўлічваюць патрабаванні заказчыкаў па пабудове архітэктуры сеткі. Так, для Віцебскага і Гомельскага філіялаў РУП "Белтэлекам" выкарыстоўвалася шматкаскадная схема ўключэння сплітараў. Для філіяла "Мінская гарадская тэлефонная сетка" і Брэсцкага філіяла РУП "Белтэлекам" – аднакаскадная  схема без паслядоўнага ўключэння сплітараў адзін за адным.

Для прыватнага сектара прымяняюцца розныя праектныя рашэнні з выкарыстаннем вулічных размеркавальных шафаў, аптычных скрынь кабельных размеркавальных і аптычных сплiтарных муфт.

У перспектыве спецыялісты ААТ "Гіпрасувязь" гатовы прапанаваць свае паслугі ў галіне праектавання сетак, сістэм і збудаванняў сувязі замежным партнёрам.
Наш вопыт і веды - ваш паспяховы праект!

Перапіс насельніцтва

Перапіс ажыццяўляецца адзін раз у 10 гадоў. У Рэспубліцы Беларусь перапіс насельніцтва пройдзе з 4 па 30 кастрычніка 2019 г.

Прадстаўнікі ААТ «Гіпрасувязь» бяруць удзел у працы 3-га Міжрэгіянальнага семінара-практыкума Міжнароднага саюза электрасувязі па падрыхтоўцы да Сусветнай канферэнцыі радыёсувязі 2019 года

У перыяд з 4 па 6 верасня 2019 года ў г. Жэневе (Швейцарыя) праходзіць 3-ці Міжрэгіянальны семінар-практыкум Міжнароднага саюза электрасувязі (МСЭ) па падрыхтоўцы да Сусветнай канферэнцыі радыёсувязі 2019 года (СКР-19).

Перагляд стандарту СТБ 2156-2014 «Сродкі электрасувязі мультысэрвісных сетак. Асноўныя параметры і характарыстыкі»

У новай рэдакцыі улічаны папярэднія змены 1 і 2. Замест спасылак на міжнародныя стандарты, якія прысутнічалі ў рэдакцыі 2014 года, уведзены лікавыя значэнні параметраў інтэрфейсаў фізічнага ўзроўню, канкрэтныя характарыстыкі і гранічныя маскі нарматыўных патрабаванняў. Дадаткова прыведзены спасылкі на метады выпрабаванняў сродкаў электрасувязі.

36/25-е сумеснае пасяджэнне Камісіі РСС па каардынацыі міжнароднага супрацоўніцтва і Рабочай групы па працы з МСЭ пры КМС

23 жніўня 2019 года адбылося 36/25-е сумеснае пасяджэнне Камісіі РСС па каардынацыі міжнароднага супрацоўніцтва і Рабочай групы па працы з МСЭ пры КМС у фармаце відэа-канферэнц-сувязі.

Міжнародны навуковы семінар «Квантавыя інфармацыйныя сістэмы»

8 жніўня 2019 года на базе Беларускай дзяржаўнай акадэміі сувязі (БДАС) адбыўся міжнародны навуковы семінар «Квантавыя інфармацыйныя сістэмы».