Навіны ў тэхнічным рэгуляванні сродкаў сувязі ў краінах ЕАЭС

05.03.2018 #паслугі

З 1 сакавіка 2018 г. ўступіў у сілу Тэхнічны рэгламент ЕАЭС «Аб абмежаванні прымянення небяспечных рэчываў у вырабах электратэхнікі і радыёэлектронікі» (ТР ЕАЭС 037/2016).

Аднак згодна з пераходнымі палажэннямі па ўжыванні ТР ЕАЭС 037/2016 да 1 сакавіка 2020 г. дапускаюцца вытворчасць і выпуск у абарачэнне вырабаў электратэхнікі і радыёэлектронікі на тэрыторыі ЕАЭС без ажыццяўлення ацэнкі адпаведнасці і дакументаў аб ацэнцы адпаведнасці патрабаванням ТР ЕАЭС 037/2016. Абарачэнне такіх вырабаў дапускаецца на працягу тэрміну іх службы. Пераходны перыяд дазволіць вытворцам паэтапна падрыхтавацца да ўкаранення новых патрабаванняў.

ТР ЕАЭС 037/2016 распаўсюджваецца ў т. л. і на сродкі электрасувязі (тэрмінальныя тэлекамунікацыйныя прылады), а менавіта на:

  • тэлефоны стацыянарныя і мабільныя;
  • тэлефоны-аўтаматы;
  • телефаксы;
  • тэлексы;
  • пераносныя і партатыўныя радыёстанцыі;
  • пазнакі радыёчастотнай ідэнтыфікацыі.

ТР ЕАЭС 037/2016 не распаўсюджваецца, у т. л. на:

  • вырабы электратэхнікі і радыёэлектронікі, прызначаныя выключна для выкарыстання ў якасці складовых частак электрычнага абсталявання, не ўключанага ў пералік, прадугледжаны дадаткам № 1 да рэгламенту;
  • батарэі і акумулятары электрычныя, у т. л. тыя, што выпускаюцца ў абарачэнне на тэрыторыі Саюза, у складзе вырабаў электратэхнікі і радыёэлектронікі.

Так у чым жа заключаецца абмежаванне прымянення небяспечных рэчываў?

Абмяжоўваецца перавышэнне дапушчальнай канцэнтрацыі ў аднародных (гамагенных) матэрыялах, якія ўжываюцца ў канструкцыях сродкаў электрасувязі, такіх небяспечных рэчываў як:

  • свінец не больш 0,1 %;
  • ртуць не больш 0,1 %;
  • кадмій не больш 0,01 %;
  • шасцівалентны хром не больш 0,1 %;
  • полібраміраваныя дыфенілы не больш 0,1 %;
  • полібраміраваныя дыфенілэфіры не больш 0,1 %.

Што ж рабіць?

Згодна з ТР ЕАЭС 037/2016 такія тэхнічныя сродкі падлягаюць дэклараванню адпаведнасці па схемах:

  • 1 д, 2Д – на падставе ўласных доказаў;
  • 3д, 4Д і 6Д – на падставе ўласных доказаў і доказаў, атрыманых з удзелам акрэдытаванай выпрабавальнай лабараторыі (цэнтра), уключанай ў Адзіны рэестр.

Таксама прадугледжваецца, што заяўнік можа замяніць гэтую працэдуру сертыфікацыяй.

Уводзіцца абавязковая сертыфікацыя тэлевізараў і тэлевізійных манітораў па энергаэфектыўнасці

З 1 верасня бягучага года згодна з п. 5.6.3 ТКП 5.2.27-2017 «Нацыянальная сістэма пацвярджэння адпаведнасці Рэспублікі Беларусь. Пацвярджэнне адпаведнасці электрычных энергаспажывальных прылад патрабаванням энергетычнай эфектыўнасці» скончыцца магчымасць правядзення верыфікацыі па параметрах энергаэфектыўнасці на падставе пратаколаў вытворцаў.

Агляд публікацый чарговага выпуску часопіса «Веснiк сувязi» (6-2018)

Паважаныя чытачы, прапануем вашай увазе агляд публікацый чарговага выпуску часопіса «Веснiк сувязi»

ААТ «Гіпрасувязь» на 24-й Азербайджанскай Міжнароднай выставе і канферэнцыі «Тэлекамунікацыі, інавацыі і высокія тэхналогіі» ў Рэспубліцы Азербайджан

У г. Баку 4 снежня адбылося адкрыццё XXIV Азербайджанскай Міжнароднай выставы і канферэнцыі «Тэлекамунікацыі, інавацыі і высокія тэхналогіі» Bakutel-2018. У гэтым годзе ў выставе прынялі ўдзел 200 кампаній з 20 краін свету.

Даступнасць інтэрнэт-рэсурсаў

Пастановай Мінсувязі зацверджаны пералік дзяржаўных стандартаў, узаемазвязаных з тэхнічным рэгламентам Рэспублікі Беларусь «Сродкі электрасувязі. Бяспека»