На міжнароднай выставе Bakutel-2016 прадстаўлены Нацыянальны стэнд Рэспублікі Беларусь

У г. Баку 29 лістапада распачалася XXII Азербайджанская міжнародная выстава і канферэнцыя «Тэлекамунікацыі і інфармацыйныя тэхналогіі» Bakutel-2016.

У гэтым годзе выстава сабрала 200 кампаній з 18 краін свету.

Актыўны ўдзел у працы Bakutel-2016 прымае прадстаўнічая дэлегацыя Рэспублікі Беларусь, якую ўзначальвае Міністр сувязі і інфарматызацыі Папкоў С.П.

У маштабнай экспазіцыі Bakutel-2016 прадстаўлены Нацыянальны стэнд Рэспублікі Беларусь, дзе свой патэнцыял дэманструюць сем беларускіх кампаній: РУП «Белтэлекам», РУП «Белпошта», ААТ «Гіпрасувязь», ААТ «Прамсувязь», НІРУП «Інстытут прыкладных праграмных сістэм», УА «Беларуская дзяржаўная акадэмія сувязі», СТАА «Мабільныя ТэлеСістэмы», а таксама Дэпартамент інфарматызацыі Мінсувязі. Дзелавыя і прафесійныя інтарэсы ААТ «Гіпрасувязь» на Bakutel-2016 прадстаўляе дырэктар Новікаў С.В.

Вялікую цікавасць у наведвальнікаў выставы выклікаюць навукова-даследчыя і праектна-пошукавыя распрацоўкі ААТ «Гіпрасувязь». Арганізацыя ажыццяўляе забеспячэнне галіны ў сферы радыёсувязі, радыёчастотнага рэсурсу, міжнароднай дзейнасці, стандартызацыі, метралогіі, сертыфікацыі і ліцэнзавання. Кампанія спецыялізуецца на праектных рашэннях любой катэгорыі складанасці для сучасных тэхналогій электрасувязі – як бесправадных, так і стацыянарных. Вынікі навукова-даследчай і праектна-пошукавай дзейнасці спецыялістаў ААТ «Гіпрасувязь» складаюць аснову тэлекамунікацыйнай інфраструктуры Рэспублікі Беларусь.

У працэсе падрыхтоўкі Нацыянальнага стэнда Рэспублікі Беларусь да выставы Bakutel-2016 ААТ «Гіпрасувязь» з'яўлялася асноўным арганізатарам.

Міжнародная выстава Bakutel-2016 працуе да 2 снежня 2016 г.