Вынікі работы ААТ «Гіпрасувязь» за 2017 год

28.02.2018

У 2017 г. адкрытым акцыянерным таварыствам «Гіпрасувязь» бізнэс-план развіцця прадпрыемства па асноўных паказчыках выкананы:

  1. Чысты прыбытак склаў 442 тыс. руб. (рост да 2016 г. – 114,5 %);
  2. Рэнтабельнасць продажаў – 14,62 % (рост да 2016 г. – 99 %);
  3. Выручка ад рэалізацыі работ, паслуг склала 6315 тыс. руб. (рост да 2016 г. – 108 %);
  4. Вытворчасць працы – 43 тыс. руб. (рост да 2016 г. – 117 %).
  5. Сярэдні заробак па выніках года склаў 1239,8 руб.

На працягу года прадпрыемствам забяспечана своечасовая выплата заработнай платы.

Асноўным напрамкам дзейнасці ААТ «Гіпрасувязь» з'яўляецца праектаванне. Агульны аб'ём работ, выкананых у мінулым годзе без прыцягнення паслуг субпадрадчыкаў, склаў 3412 тыс. руб., удзельная вага праектных работ ад агульнага аб'ёму – 54%.

У справаздачным годзе асноўныя работы вяліся па праектаванні:

  • сетак доступу па тэхналогіі PON;
  • стацыянарнай радыёрэлейнай сеткі сувязі;
  • сістэмы знешняй сувязі Беларускай АЭС;
  • мадэрнізацыі сетак электразабеспячэння.

У 2017 г. ААТ «Гіпрасувязь» акрэдытавана як навуковая арганізацыя ў Дзяржаўным камітэце па навуцы і тэхналогіях і Нацыянальнай акадэміі навук Беларусі (пасведчанне аб акрэдытацыі навуковай арганізацыі ад 3 кастрычнiка 2017 г. № 241).

На базе ААТ «Гіпрасувязь» 1 ліпеня 2017 г. створаны філіял кафедры тэлекамунікацыйных сістэм Беларускай дзяржаўнай акадэміі сувязі.

Навуковымі падраздзяленнямі выкананы работы па 7 навукова-даследчых тэмах, у выніку якіх:

  • падрыхтаваны і абгрунтаваны прапановы па забеспячэнні міжнародна-прававой абароны інтарэсаў Рэспублікі Беларусь на ВКР-19;
  • выкананы мерапрыемствы інфармацыйна-аналітычнага забеспячэння міжнароднай дзейнасці Адміністрацыі сувязі Рэспублікі Беларусь па пытаннях спадарожнікавых службаў і прававой абароны арбітальна-частотнага рэсурсу;
  • мадыфікаваны план лічбавай радыёвяшчальнай службы Рэспублікі Беларусь «Жэнева-2006» у частцы карэкціроўкі частотна-тэрытарыяльных планаў 1, 2 і 3-га слаёў нацыянальнага пакрыцця тэрыторыі Рэспублікі Беларусь наземным лічбавым тэлевізійным вяшчаннем з мэтай вызвалення паласы радыёчастот 694–790 Мгц для ўкаранення перспектыўных сістэм сухапутнай рухомай электрасувязі;
  • распрацаваны і ўзгоднены з зацікаўленымі ведамствамі структура, прынцыпы ўзаемадзеяння і тэхнічныя патрабаванні да ўніфікаванай сістэмы кіравання, кантролю і ўліку інфармацыі інжынерных сістэм інтэлектуальных будынкаў;
  • праведзены даследаванні і распрацаваны ўмовы забеспячэння электрамагнітнай сумяшчальнасці радыёэлектронных сродкаў сухапутнай рухомай службы сістэмы сотавай рухомай электрасувязі стандарту LTE з дзеючымі радыёэлектроннымі сродкамі ў палосах радыёчастот 2530–2565 / 2650–2685 МГц;
  • распрацаваны вэб-сайт для прадастаўлення кліентам Цэнтра спартыўнай рэабілітацыі кантактнай інфармацыі, звестак аб дзейнасці Цэнтра, паслугах, цэнах, спецыялістах, а таксама аб магчымасці онлайн-запісу на прыём – www.biamed.by/;
  • пашырана вобласць акрэдытацыі НДВЛ ТА па параметрах электрычных інтэрфейсаў Ethernet, параметрах якасці міжсеткавых экранаў, параметрах якасці сродкаў электрасувязі, якія выконваюць функцыі IP-групавой перадачы, параметрах кантролю функцыянавання і кіравання рэжымамі працы сродкаў электрасувязі, параметрах інтэрфейсаў FXS і FXO;
  • актуалізавана вобласць акрэдытацыі па параметрах аптычных інтэрфейсаў Ethernet, параметрах стойкасці сродкаў электрасувязі да перанапружання і звыштокаў;
  • створаны аўтаматызаваныя рабочыя месцы для вымярэння параметраў электрычных інтэрфейсаў Ethernet, параметраў інтэрфейсаў VoIP;
  • мадэрнізаваны АПК для выпрабаванняў абаненцкага абсталявання LTE-advanced;
  • мадэрнізавана сістэма кантролю значэнняў кліматычных фактараў навакольнага асяроддзя пры правядзенні выпрабаванняў (ДАСТ 15150-69);
  • распрацавана 10 стандартаў, перагледжана 4 ТКП і 1 СТБ, унесены змены ў 4 ТКП і 4 СТБ, выканана праверка навукова-тэхнічнага ўзроўню 11 ТНПА.

Праводзіліся работы па пацвярджэнню адпаведнасці сродкаў і паслуг электрасувязі. Усяго выдадзена 260 сертыфікатаў і 453 дэкларацыі аб адпаведнасці Нацыянальнай сістэме пацвярджэння адпаведнасці, 29 сертыфікатаў і 109 дэкларацый адпаведнасці тэхнічным рэгламентам Мытнага саюза.

Перапіс насельніцтва

Перапіс ажыццяўляецца адзін раз у 10 гадоў. У Рэспубліцы Беларусь перапіс насельніцтва пройдзе з 4 па 30 кастрычніка 2019 г.

Прадстаўнікі ААТ «Гіпрасувязь» бяруць удзел у працы 3-га Міжрэгіянальнага семінара-практыкума Міжнароднага саюза электрасувязі па падрыхтоўцы да Сусветнай канферэнцыі радыёсувязі 2019 года

У перыяд з 4 па 6 верасня 2019 года ў г. Жэневе (Швейцарыя) праходзіць 3-ці Міжрэгіянальны семінар-практыкум Міжнароднага саюза электрасувязі (МСЭ) па падрыхтоўцы да Сусветнай канферэнцыі радыёсувязі 2019 года (СКР-19).

Перагляд стандарту СТБ 2156-2014 «Сродкі электрасувязі мультысэрвісных сетак. Асноўныя параметры і характарыстыкі»

У новай рэдакцыі улічаны папярэднія змены 1 і 2. Замест спасылак на міжнародныя стандарты, якія прысутнічалі ў рэдакцыі 2014 года, уведзены лікавыя значэнні параметраў інтэрфейсаў фізічнага ўзроўню, канкрэтныя характарыстыкі і гранічныя маскі нарматыўных патрабаванняў. Дадаткова прыведзены спасылкі на метады выпрабаванняў сродкаў электрасувязі.

36/25-е сумеснае пасяджэнне Камісіі РСС па каардынацыі міжнароднага супрацоўніцтва і Рабочай групы па працы з МСЭ пры КМС

23 жніўня 2019 года адбылося 36/25-е сумеснае пасяджэнне Камісіі РСС па каардынацыі міжнароднага супрацоўніцтва і Рабочай групы па працы з МСЭ пры КМС у фармаце відэа-канферэнц-сувязі.

Міжнародны навуковы семінар «Квантавыя інфармацыйныя сістэмы»

8 жніўня 2019 года на базе Беларускай дзяржаўнай акадэміі сувязі (БДАС) адбыўся міжнародны навуковы семінар «Квантавыя інфармацыйныя сістэмы».