Беларусь упэўнена рухаецца шляхам лічбавай трансфармацыі і ўкаранення навацый
17.04.2023 #Беларусь #лічбавая трансфармацыя
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
Беларусь узначаліла топ-15 краін па ўзроўні пранікнення валаконна-аптычных ліній сувязі ў дворагаспадарках згодна з вынікамі даследаванняў Еўрапейскага савета FTTH у 2020 годзе.
Па індэксе чалавечага капіталу Беларусь уваходзіць у топ-30 краін са 193 прадстаўленых у рэйтынгу паводле справаздачы ААН па электронным ураду, апярэджваючы такія краіны, як Ізраіль, Францыя, Японія і шэраг іншых. У рэйтынгу паштовага развіцця Сусветнага паштовага саюза Беларусь займае 13-е месца сярод 172 краін.
Сучасная інфармацыйна-камунікацыйная інфраструктура і ўкараненне лічбавых рашэнняў – гэта фактар, які забяспечвае канкурэнтаздольнасць краіны. Па выніках 2022 года ў структуры ВУП Беларусі ўдзельная вага галіны склала 6,6 працэнта. 123,8% – дынаміка тэмпу росту экспарту тэлекамунікацыйных паслуг.
Вашай увазе прапануецца ролік "Мінсувязі Беларусі: у фокусе навацый":
Форум МСЭ па лічбавай трансфармацыі: умацаванне рэгіянальнага супрацоўніцтва і абмен досведам
28 жніўня пачаў работу Форум Міжнароднага саюза электрасувязі па лічбавай трансфармацыі.
