Bakutel-2016: выстава завяршылася, праца працягваецца
05.12.2016 #мерапрыемствы #паслугі
З 29 лістапада па 2 снежня ў сталіцы Азербайджана г. Баку праходзіла міжнародная выстава і канферэнцыя па тэлекамунікацыях і інфармацыйных тэхналогіях Bakutel-2016.
Ужо больш за 20 гадоў гэты маштабны форум збірае на сваёй пляцоўцы вядучых гульцоў тэлекамунікацыйнага рынку.
Актыўны ўдзел у працы выставы прымала Рэспубліка Беларусь. На нацыянальным стэндзе свае магчымасці прэзентавалі сем кампаній: ААТ «Гіпрасувязь», РУП «Белтэлекам», РУП «Белпошта», ААТ «Прамсувязь», НІРУП «Інстытут прыкладных праграмных сістэм», УА «Беларуская дзяржаўная акадэмія сувязі», СТАА «Мабільныя ТэлеСістэмы», а таксама Дэпартамент інфарматызацыі Мінсувязі. Прыемна адзначыць, што нацыянальная экспазіцыя Рэспублікі Беларусь адзначана сертыфікатам «Самы арыгінальны стэнд».
На працягу чатырох дзён на беларускім стэндзе вялася актыўная праца, праходзілі дзелавыя сустрэчы і перамовы. Удзел у Bakutel-2016 – гэта унікальная магчымасць прэзентаваць свае праекты шырокаму колу зацікаўленых з Азербайджана і ўвогуле Прыкаспійскага рэгіёну, знайсці новых партнёраў, абмеркаваць перспектыўныя напрамкі работы. Традыцыйна на выставе сканцэнтраваны інавацыйныя рашэнні, распрацоўкі, актуальныя трэнды ІКТ-сферы.
Дзелавая праграма Bakutel-2016 была насычанай і шматграннай. Безумоўна, бізнэс-кантакты нададуць імпульс далейшай сумеснай плённай працы.
Яркія моманты Bakutel-2016 – у фотарэпартажы з выставы.
Уводзіцца абавязковая сертыфікацыя тэлевізараў і тэлевізійных манітораў па энергаэфектыўнасці
З 1 верасня бягучага года згодна з п. 5.6.3 ТКП 5.2.27-2017 «Нацыянальная сістэма пацвярджэння адпаведнасці Рэспублікі Беларусь. Пацвярджэнне адпаведнасці электрычных энергаспажывальных прылад патрабаванням энергетычнай эфектыўнасці» скончыцца магчымасць правядзення верыфікацыі па параметрах энергаэфектыўнасці на падставе пратаколаў вытворцаў.
Агляд публікацый чарговага выпуску часопіса «Веснiк сувязi» (6-2018)
Паважаныя чытачы, прапануем вашай увазе агляд публікацый чарговага выпуску часопіса «Веснiк сувязi»
ААТ «Гіпрасувязь» на 24-й Азербайджанскай Міжнароднай выставе і канферэнцыі «Тэлекамунікацыі, інавацыі і высокія тэхналогіі» ў Рэспубліцы Азербайджан
У г. Баку 4 снежня адбылося адкрыццё XXIV Азербайджанскай Міжнароднай выставы і канферэнцыі «Тэлекамунікацыі, інавацыі і высокія тэхналогіі» Bakutel-2018. У гэтым годзе ў выставе прынялі ўдзел 200 кампаній з 20 краін свету.
