Рэгіянальны семінар МСЭ для краін СНД і Грузіі «Тэндэнцыі развіцця канвергентных сетак: рашэнні пост-NGN, 4G і 5G»
03.10.2016 #мерапрыемствы #МСЭ #СНД
Міжнародны саюз электрасувязі (МСЭ) сумесна з Дзяржаўным універсітэтам тэлекамунікацый Міністэрства адукацыі і навукі Украіны арганізуе рэгіянальны семінар для краін СНД і Грузіі «Тэндэнцыі развіцця канвергентных сетак: рашэнні пост-NGN, 4G і 5G», які будзе праходзіць 17–18 лістапада 2016 г. у г. Кіеў, Украіна.
Дадзенае мерапрыемства прызначана для прадстаўнікоў міністэрстваў і ведамстваў, рэгулятараў, тэлекамунікацыйных аператараў, навукова-даследчых арганізацый, вышэйшых і агульнаадукацыйных навучальных устаноў, вытворцаў тэлекамунікацыйнага абсталявання і іншых зацікаўленых арганізацый краін – удзельніц МСЭ, членаў сектараў і асацыяваных членаў МСЭ з краін СНД і Грузіі.
Асноўнай мэтай семінара з'яўляецца абмен практычным вопытам пабудовы сучасных тэлекамунікацыйных сетак. У прыватнасці, у рамках семінара будуць разгледжаны наступныя пытанні:
- актуальныя напрамкі развіцця сетак пост-NGN;
- паслугі і якасць абслугоўвання ў сетках электрасувязі;
- планаванне і аптымізацыя сетак мабільнай сувязі;
- бяспека ў сетках мабільнай сувязі;
- нарматыўна-прававыя і эканамічныя аспекты ўкаранення тэхналогій 4G і 5G.
Акрамя таго, у рамках семінара ўдзельнікі будуць мець магчымасць азнаёміцца з выставай сучаснага тэлекамунікацыйнага абсталявання.
«Славянскі базар» у Віцебску ўжо хутка
У 2023 годзе фестываль мастацтваў адбудзецца з 13 па 16 ліпеня, асобныя мерапрыемствы пройдуць 12 і 17 ліпеня.
Беларусь упэўнена рухаецца шляхам лічбавай трансфармацыі і ўкаранення навацый
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
Новы этап у гісторыі развіцця IT-галіны ў Беларусі
Падпісаны ўказ аб развіцці Парка высокіх тэхналогій.
