Завершаны другі дзень галіновага семінара па ўзаемадзеянні дзяржарганізацый і СМІ
29.03.2023
Другі дзень быў не менш насычаным, чым першы. На гэты раз удзельнікі сабраліся ў гісторыка-інфармацыйным цэнтры сувязі. Супрацоўніцы прэс-службаў «Белтэлекама» і «Белпошты» падзяліліся карыснымі сэрвісамі для афармлення кантэнту ў сацыяльных сетках і вопытам выкарыстання лічбавых інструментаў для прасоўвання паслуг арганізацый сувязі. У час круглага стала абмеркавалі пытанні прафесійнай камунікацыі, падзяліліся ідэямі і прапановамі.
Акрамя таго, з удзельнікамі семінара і кіраўнікамі галіновых прадпрыемстваў сустрэўся міністр сувязі і інфарматызацыі К. Шульган. Паводле яго, аб поспехах галіны павінны ведаць не толькі тыя, хто ў ёй працуе, але і астатнія грамадзяне. Дасягнуць гэтага дапаможа размяшчэнне актуальнай інфармацыі на афіцыйных сайтах, цікавых навін у сацыяльных сетках і шчырае абмеркаванне пытанняў з прадстаўнікамі СМІ. Менавіта таму важна паведамляць аб дасягненнях і той значнай працы, якую выконваюць калектывы арганізацый сувязі.
Пасля семінара ўдзельнікі азнаёміліся з экспазіцыяй гісторыка-інфармацыйнага цэнтра сувязі, прысвечанай гісторыі пошты, тэлеграфа, тэлефона, радыё, тэлебачання і мабільнай сувязі.
«Славянскі базар» у Віцебску ўжо хутка
У 2023 годзе фестываль мастацтваў адбудзецца з 13 па 16 ліпеня, асобныя мерапрыемствы пройдуць 12 і 17 ліпеня.
Беларусь упэўнена рухаецца шляхам лічбавай трансфармацыі і ўкаранення навацый
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
