Прадстаўлены новы дырэктар ААТ «Гіпрасувязь»

Наглядальным саветам ААТ «Гіпрасувязь» на пасаду дырэктара абраны Караім Андрэй Іванавіч. 6 жніўня 2018 г. мiнiстр сувязі і інфарматызацыі Папкоў Сяргей Пятровіч прадставіў працоўнаму калектыву новага кіраўніка.

Вядомы сувязіст і дасведчаны кіраўнік, А.І. Караім за час працоўнай дзейнасці прайшоў усе прафесійныя ступені – ад інжынера да кіраўніка галіновага прадпрыемства. Да цяперашняга часу Андрэй Іванавіч працаваў на пасадзе галоўнага інжынера філіяла «Міжгародняя сувязь» РУП «Белтэлекам».

Прадстаўляючы новага дырэктара ААТ «Гіпрасувязь», міністр адзначыў, што ў цяперашні час адной з ключавых задач, якія стаяць перад новым кіраўніком і калектывам прадпрыемства, з’яўляецца развіццё дзейнасці ў рамках лічбавай трансфармацыі галін эканомікі краіны. Ён выказаў упэўненасць у тым, што для рэалізацыі такіх задач калектыў ААТ «Гіпрасувязь» мае неабходны навуковы патэнцыял і вопыт пакаленняў.