Галіновы семінар для прэс-службаў і PR-спецыялістаў арганізацый сувязі
28.03.2023
28 сакавіка супрацоўнікі рэдакцыі часопіса “Веснік сувязі” і старшыня першаснай прафсаюзнай арганізацыі ААТ “Гіпрасувязь” прынялі ўдзел у семінары акадэміі сувязі “Узаемадзеянне дзяржаўных арганізацый і СМІ. Спецыфіка працы ў медыяпрасторы ў сучасных умовах», арганізаванай пры падтрымцы Мінсувязі.
У такім фармаце мерапрыемства праходзіць упершыню. Яго мэта – актуалізаваць працу прэс-службаў арганізацый сувязі і палепшыць інфармацыйную камунікацыю ў галіне.
З уступным словам на адкрыцці семінара выступіла Наталля Аляшкевіч, памочнік міністра сувязі і інфарматызацыі. Ведамі і вопытам са слухачамі падзяліліся прадстаўнікі вядучых беларускіх СМІ, а таксама эксперты – выкладчыкі Інстытута сацыялогіі Нацыянальнай акадэміі навук і факультэта журналістыкі БДУ. Ключавыя тэмы – праца са СМІ, трэнды сучаснай медыяпрасторы, эфектыўная праца ў сацсетках і месэнджэрах.
Першы дзень семінара праходзіць на базе Беларускай дзяржаўнай акадэміі сувязі. 29 сакавіка ў Цэнтры інфармацыйна-камунікацыйных тэхналогій плануецца круглы стол, падчас якога ўдзельнікі змогуць абмяняцца досведам і абмеркаваць узмацненне камунікацыі ў рамках інфармацыйнага забеспячэння галіны сувязі.
«Славянскі базар» у Віцебску ўжо хутка
У 2023 годзе фестываль мастацтваў адбудзецца з 13 па 16 ліпеня, асобныя мерапрыемствы пройдуць 12 і 17 ліпеня.
Беларусь упэўнена рухаецца шляхам лічбавай трансфармацыі і ўкаранення навацый
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
Новы этап у гісторыі развіцця IT-галіны ў Беларусі
Падпісаны ўказ аб развіцці Парка высокіх тэхналогій.
