ААТ «Гіпрасувязь» на 24-й Азербайджанскай Міжнароднай выставе і канферэнцыі «Тэлекамунікацыі, інавацыі і высокія тэхналогіі» ў Рэспубліцы Азербайджан
04.12.2018
У г. Баку 4 снежня адбылося адкрыццё XXIV Азербайджанскай Міжнароднай выставы і канферэнцыі «Тэлекамунікацыі, інавацыі і высокія тэхналогіі» Bakutel-2018. У гэтым годзе ў выставе прынялі ўдзел 200 кампаній з 20 краін свету.
У маштабнай экспазіцыі Bakutel-2018 прадстаўлены нацыянальны стэнд Рэспублікі Беларусь, дзе свае магчымасці прэзентуюць дзевяць беларускіх кампаній: РУП «Белтэлекам», РУП «Белпошта», ААТ «Гіпрасувязь», ААТ «Прамсувязь», РУП «Нацыянальны цэнтр абмену трафікам», УА «Беларуская дзяржаўная акадэмія сувязі», НДІ ТАІ, НІРУП «ІППС», РУП «НЦЭП». Дзелавыя і прафесійныя інтарэсы ААТ «Гіпрасувязь» на Bakutel-2018. прадстаўляюць дырэктар Караім А.І. і начальнік навукова-даследчай лабараторыі сістэм і прылад сувязі навукова-даследчага і выпрабавальнага цэнтра Сакалоўскі А.І.
На беларускім стэндзе дэманструюцца прыярытэтныя напрамкі дзейнасці ААТ «Гіпрасувязь», а менавіта:
- інжынерна-тэхнічнае праектаванне сетак і сістэм сувязі;
- навуковыя даследаванні і распрацоўкі ў галіне тэхнічных навук;
- пацвярджэнне адпаведнасці сродкаў электрасувязі патрабаванням Тэхнічных рэгламентаў Мытнага саюза і Нацыянальнай сістэмы пацвярджэння адпаведнасці;
- дзейнасць выпрабавальных лабараторый і іх магчымасці па распрацоўцы ТНПА ў галіне электрасувязі.
Міжнародная выстава Bakutel-2018 працуе да 7 снежня 2018 г.
