Міжнародны саюз электрасувязі аб'яўляе аб новай палітыцы доступу да інфармацыі
16.01.2017 #МСЭ
У пачатку 2017 г. Міжнародны саюз электрасувязі (МСЭ) распачаў рэалізацыю новай палітыкі доступу да інфармацыі і абавязаўся адкрыць анлайн-доступ да большага аб'ёму інфармацыі і дакументаў, якія МСЭ размяшчае ці стварае або якімі кіруе. Рашэнне аб гэтым прыняў Савет МСЭ ў 2016 г. Яго мэта – прывесці палітыку адкрытага доступу да інфармацыі для асноўных канферэнцый і сходаў МСЭ ў адпаведнасць з палітыкай іншых міжнародных арганізацый, такіх як Сусветны банк, Праграма развіцця ААН (ПРААН) і Арганізацыя Аб'яднаных Нацый па пытаннях адукацыі, навукі і культуры (ЮНЭСКА), а таксама павысіць празрыстасць працэсаў прыняцця рашэнняў у МСЭ.
Так, з 1 студзеня 2017 г. на вэб-сайце МСЭ грамадскасць атрымае доступ да ўваходных дакументаў, рэзюмэ рашэнняў, справаздач і іншых выніковых дакументаў. Дадзены працэс стане пастаяннай часткай асноўных канферэнцый і сходаў МСЭ ў наступныя гады, у т. л. сходаў працоўных груп Савета МСЭ, кансультатыўных груп МСЭ, маючай адбыцца Сусветнай канферэнцыі па развіцці электрасувязі 2017 г. i асноўнага кіруючага органа МСЭ – Паўнамоцнай канферэнцыі, якая павінна у чарговы раз прайсці ў апошнім квартале 2018 г.
Палітыка забеспячэння доступу да інфармацыі/дакументаў МСЭ ахоплівае наступныя агульныя катэгорыі інфармацыі:
- агульная інфармацыя аб мандаце, дзейнасці і гісторыі МСЭ;
- інфармацыя аб канферэнцыях МСЭ, на якіх заключаюцца дагаворы;
- інфармацыя, якая тычыцца кіравання і кіраўніцтва МСЭ;
- інфармацыя аб аператыўнай дзейнасці МСЭ.
Больш падрабязныя звесткі аб інфармацыі/дакументах, на якія распаўсюджваецца адкрыты доступ, размешчаны на сайце МСЭ.
«Славянскі базар» у Віцебску ўжо хутка
У 2023 годзе фестываль мастацтваў адбудзецца з 13 па 16 ліпеня, асобныя мерапрыемствы пройдуць 12 і 17 ліпеня.
Беларусь упэўнена рухаецца шляхам лічбавай трансфармацыі і ўкаранення навацый
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
Новы этап у гісторыі развіцця IT-галіны ў Беларусі
Падпісаны ўказ аб развіцці Парка высокіх тэхналогій.
