Мама – самае галоўнае, першае слова ў нашым жыцці
14.10.2020 #Прафсаюзнае жыццё
«Мама – самае галоўнае, першае слова ў нашым жыцці»
14 кастрычніка ў нашай краіне адзначаюць Дзень маці. У бягучым годзе гэтая дата адзначаецца 25-ы раз. У Дзень маці віншуюць усіх жанчын, якія спазналі радасць мацярынства або рыхтуюцца стаць мамамі. Існуе два меркаванні пра гісторыю дадзенай падзеі. Паводле першага, гэта даніна павагі маці, дзякуючы якім у кожнага з нас ёсць незабыўныя светлыя пачуцці і ўспаміны, а таксама тым, хто мусіць даць першыя ўрокі дабрыні, маральнасці, духоўнасці і чалавекалюбства. Акрамя таго, ёсць версія, што гісторыя гэтага асаблівага дня пачынаецца з праваслаўнага свята Пакрова Прасвятой Багародзіцы. Дзень маці адзначаюць у многіх краінах свету, аднак менавіта ў Беларусі ён прымеркаваны да гэтай рэлігійнага урачыстасці.
Ордэнам маці ў Беларусі ўзнагароджваюцца жанчыны, якія нарадзілі і выхавалі пяць і больш дзяцей, прычым пятае дзіця павінна дасягнуць узросту аднаго года.
У нашай галіны 1874 работніка выхоўваюць траіх і больш дзяцей, у тым ліку 1396 жанчын маюць статус шматдзетнай маці. Іх усіх аб'ядноўвае не толькі дачыненне да агульнай сферы дзейнасці, а значна большае. Сваім асабістым стаўленнем да жыцця яны наглядна дэманструюць выключную ролю сям'і як непарушнай ячэйкі нашага грамадства і асновы будучага пакалення.
Калектыўны дагавор ААТ «Гіпрасувязь» змяшчае палажэнні, якія гарантуюць жанчынам аказанне аднаразовай, штомесячнай і пастаяннай матэрыяльнай дапамогі на кожнага дзіця, прадастаўленне пераважнага права ў вырашэнні сацыяльных пытанняў, прымяненне гнуткіх формаў занятасці і г. д.
Таксама першаснай прафсаюзнай арганізацыяй ААТ «Гіпрасувязь» арганізавана выстава дзіцячага малюнка работнікаў Таварыства, прысвечаная гэтаму святу. Дзень маці адказвае лепшым традыцыям адносінаў беларусаў да мацярынства, аб'ядноўвае ўсе слаі беларускага грамадства дзякуючы ідэям дабра і шанавання жанчыны-маці.
Дарагія жанчыны! Віншуем вас ад усёй душы з цудоўным святам – Днём маці! Жадаем душэўнага цяпла і спакою, міру ў душы, сямейнага шчасця. Хай жыццё дорыць поспех, радасныя, шчаслівыя моманты, шмат вясёлых усмешак і добры настрой кожны дзень. Жадаем здароўя, бадзёрасці, энергіі і неўвядальнай сілы!
Кіраўніцтва ААТ «Гіпрасувязь»
«Славянскі базар» у Віцебску ўжо хутка
У 2023 годзе фестываль мастацтваў адбудзецца з 13 па 16 ліпеня, асобныя мерапрыемствы пройдуць 12 і 17 ліпеня.
Беларусь упэўнена рухаецца шляхам лічбавай трансфармацыі і ўкаранення навацый
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
Новы этап у гісторыі развіцця IT-галіны ў Беларусі
Падпісаны ўказ аб развіцці Парка высокіх тэхналогій.
