Новы этап у гісторыі развіцця IT-галіны ў Беларусі
13.04.2023 #тэхналогіі #рэгуляванне
12 красавіка кіраўнік дзяржавы падпісаў указ № 102 «Аб развіцці Парка высокіх тэхналогій», падрыхтаваны па выніках нядаўняй нарады аб развіцці IT-галіны ў краіне.
Дакумент накіраваны на стварэнне ўмоў для далейшага перспектыўнага развіцця ПВТ з апорай на сучасныя тэхналагічныя тэндэнцыі.
Указам прадугледжана з'яўленне ў структуры Парка высокіх тэхналогій кіруючай кампаніі, якая зоймецца інтэнсіўным стратэгічным развіццём ПВТ. Яна будзе прадстаўляць ПВТ пры ўзаемадзеянні з замежнымі партнёрамі, аказваць рэзідэнтам парку садзейнічанне ў пашырэнні экспарту, выхадзе на новыя рынкі і прыцягненні замежных інвестыцый.
Пры гэтым усе ўмовы дзейнасці ў парку (прававыя, падатковыя, фінансавыя) захоўваюцца на ранейшым узроўні без змен. У поўным аб'ёме захоўваюцца і паўнамоцтвы Назіральнай рады ПВТ, для забеспячэння дзейнасці якой будзе сфарміраваны сакратарыят.
Крыніца: Мінсувязі і сайт Прэзідэнта Рэспублікі Беларусь
«Славянскі базар» у Віцебску ўжо хутка
У 2023 годзе фестываль мастацтваў адбудзецца з 13 па 16 ліпеня, асобныя мерапрыемствы пройдуць 12 і 17 ліпеня.
Беларусь упэўнена рухаецца шляхам лічбавай трансфармацыі і ўкаранення навацый
Гэта забяспечвае краіне лідарскія пазіцыі па развіцці інфармацыйна-камунікацыйных тэхналогій у рэгіёне СНД і Усходняй Еўропе.
